Beasaingo Udalak, CAF enpresarekin eta Elkar argitaletxearen laguntzarekin XIX. Igartza literatura sorkuntzarako beka deitu du. Euskal kultura zabaldu eta idazle gazteen lana laguntzea du helburu. Irabazleak 6.000 euroko diru laguntza jasoko du, erdia irabazle izendatzean eta beste erdia handik urtebetera. Lan narratiboak (eleberriak edo ipuin bildumak) aurkez daitezke, jatorrizkoak eta euskaraz sortuak. Proiektuak kultura@beasain.eus helbidera bidali behar dira, eta ekainaren 30ean amaituko da epea. Igor Estankona, Ana Jaka eta Peru Magdalena izango dira epaimahaikideak, eta irabazlea irailaren 10a baino lehen aukeratu beharko dute.