“Talderik onena, Geurea. Zure osasuna esku onetan”. Horixe da Osakidetzaren azken kanpainaren leloa. Euskarri grafikoetan kategoria ezberdinetako bederatzi langile agertzen dira, baina bat ere ez garbiketa, sukalde eta mantentze-lanetako zerbitzuetakoa. LABek ohartarazi duenez, ez da kasualitate hutsa, kategoria horiek abiadura handian pribatizatzen ari baitira. Sindikatuak argi du osasun arreta ona emateko ezinbestekoak diren langile horiek ikusezin bihurtu nahi dituztela, ahalik eta errazen pribatizatzeko. Osakidetzaren kartelaren antzeko beste bat egin du LABek, baina “ahaztutako” kategoriak aintzat hartuz eta pribatizazio politika kritikatuz.