Hitzez eta Hotsez literatur ekimenaren laugarren edizioa hartuko du Durangok eta, aurtengoan, bidaia izango da gai nagusia. «Bidaia zentzu zabalean; Anbotora, Kubara zein SPra egindako bidaiek edo barne bidaiek izango dute lekua oraingoan», azaldu dute antolatzaileek. Lehen solasaldia ostiralean izango da, eta Miren Agur Meabe mintzatuko da “Identitate poetiko bat norabide” izenburupean. Maiatzaren 5ean Plateruenan emango zaio amaiera aurtengo edizioari irakurraldi baten bidez, eta, tartean, hainbat solasaldi izango dira.