Berriatuan jokatuko da, pilotalekuaren atzean dagoen belardian, Euskal Herriko Lur Gaineko Txapelketako bigarren jardunaldia, 17.00etan hasita. 680ko mailan izango da, aurreneko jardunaldian bezalaxe.

Joan den astean jokatu zen lehenengo saioan Goiherrik irabazi zuen, eta emaitzak errepikatzen baldin badira, txapela lortzetik gertu geratuko da. Gaztedi saiatuko da hori galarazten eta gaur sailkapena berdinean uzten. Gaurkoa eta gero beste jardunaldi bat geratuko da maila honetan.

Aipaturiko bi taldeekin batera, Goiherri B, Mutriku eta Akelarre izango dira lanean. Goiherri B geratu zen hirugarren lehen saioan, eta Erandioko bigarren taldeak ere podiumean izan nahi du.