Nizako eta Paris kanpoaldeko azken erasoen harira, Emmanuel Macronek mugen kontrolerako polizia kopurua bikoiztuko duela iragarri du «immigrazio klandestinoaren» kontra borrokatzeko, «terroristek fluxu horiek erabiltzea» eragozteko helburuz. Horrez gain, abenduan Europar Batasuneko gainerako gobernuburuei kanpo-mugei buruzko Schengengo Itunaren erreforma sakona eskatuko die.