Donostian etxegabeentzako politikak eta baliabideak nahikoa ez direla salatu zuten atzo alor horretan lan egiten duten hainbat eragilek. Alde Zaharreko Bizilagunak, Hiritarron Harrera Sarea, SOS Arrazakeria, Infernua Bizirik eta Darkum taldeek agerraldia egin zuten Konstituzio plazan etxegabeen egoera salatzeko, bertako arkupeetan elkartzen baitira azkenaldian hainbat lagun gaua pasatzeko. Parte Zaharrean Bizi, Egia Bizirik, EH Bildu, LAB, Elkarrekin Podemos eta Zaporeak taldeek ere salaketa babestu dute.

Azken egunetan Hendaian eta Zarautzen hotzaren ondorioz bi etxegabe hil direla gogoratu eta Donostian antzeko zerbait gerta daitekeela ere abisatu zuten.