Azorako Maizterrak elkarteak, Kaleratzeak Stop eta Alokairurekin batera, gogor salatu zuen atzo Azora putre funtsa Donostiako Ategorrieta hiribideko sei maizterrengan kontratu berriak onartzeko egiten ari den «presioa». Azorak %33ko alokairu igoera onartzea edo sei hilabete baino lehen etxea uztea «eskaini» die maizterrei. Giltzak ez dituztela itzuliko argi utzi dute: «Gure kontratuetan jasotako alokairua ordaintzen jarraituko dugu».