Nafarroa Arenan punta-puntako gimnastak arituko dira asteburu osoan. Atzo hasi zen txapelketa, World Challenge Cup delakoa. Europako eta Munduko txapelketak prestatzeko lehiaketa apropostzat jotzen dute parte-hartzaileek. Hemeretzi estatutako gimnastak arituko dira eta, horien artean, onenekin lehiatzen –Kaleyn eta Vedeneeva olinpikoak tartean– ari da Teresa Gorospe arabarra. «Kirol ibilbidean aurrera egiteko» baliagarria dela uste du.

Argazkia: Idoia ZABALETA | FOKU