Ayotzinapako 43 ikasle desagertu zireneko 8. urteurrenean, Andres Manuel Lopez Obrador Mexikoko presidenteak atzoko eguna «dolu egun nazionala» zela adierazi zuen eta «ikerketan emandako aurrerapausoei esker isiltasun- eta zigorgabetasun-ituna hausten hasi» dela gehitu zuen. Kasu horretan egia argitzeak eta justizia egiteak berebiziko garrantzia dauka Mexikoko biolentzia- eta ustelkeria-ziklo izugarri honetan lehen mailako ardura duten boteredunek uler dezaten ez direla ukiezinak. Irudian, Bilbon egindako elkarretaratzea.