Ikasle batek labankadaz hildako Agnes Lassalle irakaslearen hiletaren irudiek zabalpen handia eduki dute. Ostiralean Biarritzen ospatu zen ekitaldian, dantza talde batean ezagutu zuen senarra Nat King Coleren “Love” abestia dantzatzen hasi zen eta, segundo gutxitan, hurbildutako senide eta lagun ugari batu zitzaizkion indar handiko irudi hunkigarria eskainiz. Donibane Lohizuneko Saint-Thomas-d’Aquin lizeoko gaztelania irakaslea zen Lassalle eta 52 urte zituen. Bere hilketak zirrara handia sortu du Ipar Euskal Herriko hezkuntza komunitatean.