Araba Euskarazek, Arabako Euskal Pilota Elkarteak eta Gasteiz Jai Alai Klubak lagunduta, Open Series zesta-punta jaialdia ospatu zuen atzo Olabe frontoian, 1.200 ikuslerekin, «euskara, euskal kultura eta euskal kirolak bultzatu, sustatu eta plazaratzeko» asmoz. Batetik, Durangoko Winter Serieseko finala jokatu zutenak, Mugartegi-Lejardi eta Ortiz de Mendibil-Aldazabal, elkarren aurka aritu ziren. Eta, bestetik, Barandika-Lekerika Goikoetxea-Del Rioren kontra. Aurten Arabako ikastolen aldeko eguna Olarizun ospatuko da, ekainaren 11n, “Ekin” lelopean.