Baionako Xingar Feriak bere 560. edizioa ospatu du aurten. Ostegunean ateak zabaldu zituen merkatu handiak txerriaren atalik preziatuena ohorean jartzen du, ekoizle eta bezeroen arteko zuzeneko harremanak sustatuz. Xingar onenaren saria Marcel Hualdek irabazi du aurten. Aldudeko laboraria bosgarren aldiz izan da saritua. Lau egunez, Roland Barthes zelaigunean ezarritako xapito zurien azpian antolaturiko azokak jende parrasta erakarri du. Kofradien desfileak hiriko karrikak zeharkatuko ditu igande goizean, Xingar Feriaren azken orduak dastatzeko agindua emanez. Patxi BELTZAIZ