Buriticupun, Brasilgo ipar-ekialdean, 70.000 pertsona bizi dira. Hiria poliki-poliki desagertzen joateko arriskuan dago. Planifikaziorik gabeko hazkundearen eta inguruaren deforestazio azkarraren ondorioz, lur hareatsuak ez du ura behar bezala xurgatzen. Eta, euriteen eraginez, erraldoiak bilakatzen diren arraildurak agertu dira. Dagoeneko zazpi pertsona hil dira, arraildurek 50 bat etxe irentsi dituzte, eta beste 300 irentsiak izateko arriskuan daude. Udalak «hondamendi publikoa» deklaratu du, eta biztanleak, soluzioen zain, beldurturik bizi dira.