Goiztiarrak izan baziren ere, eguzkia sartzean sanjoanetako suek Euskal Herriko zerua argitu eta gaua ilusioaz jantzi zuten atzo udalerri askotan. Usadio zaharrari eutsiz, suaren bueltan bilduta, dantza eta kantua nagusitu ziren, goia eta behea batuz. Sugarren itzalpean, gauza txarrak aldentzeko eta onak erakartzeko errituak egin ziren Euskal Herriko txoko ugaritan. Urteko gau laburrenean, gainera, jai askoren metxa pizten da; hor dira ba, Leioa, Sondika, Eibar, Hernani, Tolosa, Arrasate.... Irudian, Orion piztutako suaren inguruko ospakizunaren momentu bat.