Udalbiltzako kideak joan den ostiralean Usurbilen batu ziren ezohiko Kontseilu Nagusi baterako. Haien ibilbideari buruzko gogoeta bat egin ondoren, ordezkari aldaketen berri eman zuten: Jabi Asurmendi Sainzek lekukoa eman dio Getariako alkate Haritz Alberdi Arrillagari. Erakundeak ohar batean azaldu zuenez, lehendakari berriak kargua ilusioz hartu du, datorrenari eusteko gogoz.