Eslovakia Europako Batasuneko eta NATOko kidea da, eta Errusiak Ukraina inbaditu zuenetik azken honi laguntza militarra eman dio. Larunbatean Europa erdialdeko herrialde honetan hauteskundeak izan ziren eta Robert Fico lehen ministro ohiak irabazi zituen. Kanpainan, Ficok Ukrainari laguntza militarra emateari utziko ziola agindu zuen eta Errusiarekin harremana berreskuratzearen beharra planteatu zuen, nahiz eta atzo ñabardurak egiten hasi zen. Bruselak eta Moskuk adi jarraituko dituzte haren urratsak.