Euskal baratzen erakusleiho garrantzitsuenetako bat izan zen atzo, beste urte batez, Gernika, Urriko Azken Asteleheneko azokari esker. Eguraldi txukuna eta lagun giroa nagusitu ziren, milaka pertsonak bisitatu baitzituzten euskal baserrietako produktuen postuak. Gazta lehiaketa Olaberriko Aizpea gaztandegiak irabazi zuen, 1.000 euro ordaindu zituen Juan Jose Diegok, eta dirua Calzada zahar-etxera bideratuko da. Gernikako babarruna izaten da eskari handiena duen produktuetako bat eta kiloa 18 euroan saldu zen.