Busaka Team Entertainers izeneko akrobazia laukotea ezustean harrapatzen ari da azken sasoi honetan Nairobiko milaka gidari. Kenyako hiriburuko bidegurutzeak eta semaforo inguruak hartu ditu agertoki gisa, oreka-ariketa harrigarri eta ikusgarriak egiteko. Auto-gidariak argi berdearen zain dauden bitartean, lau kenyar hauek -Ngong izeneko errepidean eginiko argazki honetan beraietako bat falta da- beren kabuz, inork irakatsi beharrik izan gabe, ikasitako akrobaziak egiten dituzte... dohaintza ekonomikoen truke. Beharraren ariketak dira horiek.