Aratuste zapatuari ekiteko, Bilbon Farolinek eta Zaranbolasek jai esparrua zabaldu zuten goizean Plaza Biribilean. Bilboko Konpartsek egun osoko egitarau oparoa antolatua zuten inauteriak direla eta: banakako mozorro lehiaketa, taldekako mozorro lehiaketa, baserritarren azoka, swing dantza tailerra, kontzertuak, kale antzerkia, kalejirak... Jai giroa izan zen nagusi egun osoan zehar eta adin tarte eta gustu guztientzako moduko eskaintza izan zen Bilboko erdialdean. Gaurko, indaba eta torrada lehiaketak antolatu dituzte Bilboko Konpartsek.