Badira borrokatu beharreko erresistentziak; ongizatearen pribatizazioa, euskararen kontrako oldarraldia edo klima larrialdia, esaterako. Baina horiek gainditzeko tresna, feminismoa, osasuntsu eta indartsu dago. Hala ebatzi zuen atzo Talaia Feministak Errenterian ireki zuen gogoetarako plaza erraldoiak. Talde honek begirada feministarekin eta subiranistarekin aztertu ditu 2023ko joerak, eta horien inguruan hausnartzera elkartu zituen atzo 170 emakume. Aletutako ondorio kolektiboekin etorkizuneko norabideak finkatzeko balioko duen dosierra itxiko dute.