Txuri Urdineko neskek euren historiako bigarren Liga etxeratzea lortu dute, larunbat gauean Majadahondaren etxean finaleko hirugarren partida ere irabazita -2-0, Stella Scott eta Eva Aizpuruaren golekin-. Taldeko entrenatzaile Irene Senac-en esanetan, txapel hau «magikoa» izan da, «talde horren gaztea izanda, aurtengoa trantsizio urte bat izango zela uste genuen eta». 2022an Liga irabazi ondoren, iaz txanponaren beste aldea bizi behar izan zuten, urte osoan partida bakarra irabazita. Aurten, ordea, liga erregularrean onenak izan eta gero, finala erraz eskuratu dute.