Atzo, Iruñeko Katakraken, Olatukoop-ek hamar urte bete dituela ospatu zuen. Hasieran zortzi-hamar enpresa ziren, baina egun 60tik gora dira ekonomia sozial eraldatzailearen (ESE) bueltan saretuta dabiltzan elkarte eta kooperatibak. Guztira 600 langile inguru dira. Etorkizuneko helburua ere ezarri zuten: ekintzailetzatik «lurraldekintzara» igarotzea. Horretarako tresna eta esku-hartze modu ezberdinak martxan jartzea du erronka sareak. Urteurren ospakizuna biribiltzeko, larunbat honetan Donostian egingo dute jaia.