Lau egun eskas falta dira Parisen Olinpiar Jokoak abia daitezen, inoizko parekideenak izango direnak. Ostiral honetan bertan ospatuko da irekiera ekitaldia, lehenengo aldiz aire librean. Sena ibaian piztuko da sugarra, hilabete luzez han-hemenka ibilitakoa eta Euskal Herrian barrena ere bidaiatutakoa. Hurbiltzen ari da esentzia olinpikoa, kirolaren olinpoa argiztatzen duena. Sugarren arteko musua irudikatu dezakeen argazkia hartu zuten Vincennesen. Azken metroak egin zituen sugarrak, Parisera, Sena ibaian zehar, iritsi aurretik.