Leitzarango bailaran hainbat meategi ustiatu zituzten iraganean, eta egundoko garrantzia hartu zuen jarduera horrek. Izan ere, Plazaolako trenbidea XX. mendearen hasieran eraiki zuten, Bizkotx burdin hobitik kiskalitako minerala Norteko trenbidera garraiatzeko asmoz. Meategiak oroitzeko eta meatzariei aitortza egiteko gunea zabaldu zuten atzo Andoainen. Ekitaldian, meategi horietan aritzen ziren langileen lan eta bizi kondizio gordinak gogoan izan zituzten. Hori ere memoria kolektiboaren parte da.