Bideojokoen eta interneten aroan, inork pentsa lezake mahai jokoak modaz pasatuta daudela eta ez dutela zaleturik. Aspaldiko joko horietako bat da Subbuteo ikonikoa -mahaiko futbola-. Tunbridge Wells hirian (Ingalaterran) jaio zen 1946an eta, uste guztien gainetik, jarraitzaile eta jokalari andana du mundu zabalean. Sorterrian bertan jokatu berri da Subbuteoko Munduko Kopa, eta 26 herrialdetako punta-puntako 300dik gora ordezkari lehiatu dira garaikurraren bila. Finalean, Italia gailendu zitzaion Belgikari.