Baionako sarrera-irteerak bestela ere nahikoa zailak izan ohi dira lanera edo eskolara sartzeko orduetan (baita ateratzerakoan ere), baina atzo areago zaildu zen trafikoa puntu horietan feriazaleen protesta bat zela-eta: ibilgailu arinak eta astunak baliatuta, goizean goizetik ilara luzea osatu zuten San Bernat auzoan eta 10.00etarako San Leon biribilgunea blokeatu zuten. Herriko Etxeak datorren urteko bestei begira erabakitako data aldaketak «eta horren ondorio ekonomikoek» haserrearazi dituzte feriazaleak. Datozen egunetarako protesta gehiago aurreikusi dituzte.