Donostiako Hiru Hondartzetako Krosak mugarri bat ezarri du: lehiatu direnen erdiak baino gehiago emakumeak izan dira. Guztira 3.471 korrikalarik parte hartu dute; inoizko parte- hartzerik handiena. 18. edizio honetan, eguzkia lagun, 10.00etan ekin diote lasterkariek 10 kilometroko ibilbideari, giro ezin hobean, eguzkiaren berotasuna ez ezik, jendearena ere jasoz. Azkarrenak Maria Lasa eta Unai Ibarra izan dira. Lehenak 35.19 egin du; bigarrenak, berriz, 31.19. Bakarrik zeharkatu dute Ondarretako hondartza parean zegoen helmuga.