«Pobrezia egoeran dauden pertsonei elikadura eta arropa duinak bermatzen» 15 urte egin zituen atzo Paris 365ek. «15 urte gosariak, bazkariak eta afariak euro baten truke banatzen. 15 urte, hileko bi eurorengatik, astero oinarrizko saski bat banatzen». Horrela laburbildu zuten urte hauetako ibilbidea Josean Villanueva, elkarteko presidenteak, Myiriam Gomez-Garcia, koordinatzaile-gerenteak eta Mikel Urabaien, komunikazio arduradunak. 11.000 pertsona artatu dituzte urte hauetan guztietan, eta egiten jarraituko dutela hitzeman zuten atzo Iruñean egindako ekitaldian.