Bada Ghanan moda jaialdi bat, beste herrialdeetako ehungintza-industriak sortzen duen kutsaduraren kontra egiten duena. Bertan, baztertutako bigarren eskuko arropari bizitza berri bat ematen diote. Ekimen horren atzean kutsadura arazo handi bat dago: herrialde aberatsagoetatik Ghanara iristen den arropa asko egoera hain kaskarrean dago, ezen ezin den berrerabili eta bertako zabortegietan amaitzen duen. Atzo, sute batek jaialdiaren parte handi bat erre zuen. Lan gehiago izango dute kanpotik sortutako arazo horri irtenbidea ematen.