World Monument Fund irabazi asmorik gabeko erakundeak mehatxupean dagoen ondarearen eta gune historikoen 2025eko zerrenda argitaratu berri du. Periodikoki plazaratzen den lan honetan -aurrekoa 2022an izan zen-, masa turismoaren, klima larrialdiaren, gatazken zein hondamendi naturalen ondorioz arriskuan dauden lekuak aipatzen dituzte. Gaza ere sartu dute, baina badu berritasun bat, lehen aldiz ilargia ere zerrendan dagoelako. Espazioaren esplorazioan interes gero eta handiagoa dagoenez, babes protokolo bat adosteko beharraz ohartarazi du erakundeak.