San Antontxu eguna ospatu zuten atzo Mungian. Ohiturari jarraituz, ostiralean izan zen San Anton egunaren hurrengoan ospatzen dute Mungian San Antontxu. Egitarauko ekitaldi nagusia ganadu azoka izan zen, bertan animalien, artisau produktuen, landareen eta fruten erakustaldiak zeudela. Honekin batera, Odoloste eta Txorizoen Euskadiko lehiaketaren 27. edizioa egin zuten, Pizkunde etorbidean jarri zuten karpa nagusian. Barazki odolkia, arroz odolkia, txorizoa, tokiko barazki odolkia eta tokiko txorizoa izan ziren kategoriak.