SD Amorebieta urtarrilaren 30eko ONCEren kupoiko protagonista da, bere sorreraren mendeurrena dela-eta. Efemeridea bost milioi kupoitan agertuko da. ONCEk EAEn duen ordezkari Usue Vallejok kupoiaren berri eman zuen atzo prentsaren aurrean eginiko aurkezpenean; harekin ziren «Amore»ko presidente Jon Larrea eta Zornotzako alkate Ainhoa Salterain. «Kupoi honek jantzi urdina jantziko du, Amorebieta Kirol Elkartearen ehun urteko historia ospatzeko», esan zuen Vallejok, eta Larreak adierazi zuen klubarentzat «benetako ohorea» dela.