Banco Santanderrek etxetik botatzeko arriskuan daude Berriozarko bizilagun bat eta haren familia, Hipotekek Kaltetutakoen Plataformak Iruñean atzo egindako elkarretaratzean salatu zuenez. Etxegabetzeko arriskuan dagoen familiari etxea ordainean ematea eta alokairu soziala galdegin zituzten. Fredek eskatutako maileguaren zati handi bat ordaindu dio bankuari, baina langabeziak eta Errenta Bermatua jasotzeak zorraren osotasunari eustea eragotzi dio. Etxegabetzea eragingo ez duen soluzio bat posible da eta premiazkoa da.