Kroaziako hiriburuaren bihotzean ireki berri dute HaHaHouse izeneko museoa, umorearen historian barrena ibilbide bat eskaintzeaz gain bisitariak barrez jartzea helburu duena, garaiotako negatibotasunetik ateratzen laguntzeko asmoz. Gune bitxi honek adin orotako bisitariak erakartzen ditu eta interes handia piztu du. Inguruko eskolekin elkarlanean ari dira dagoeneko eta gauza bera egin nahi dute adinekoen egoitzekin zein hiriko ospitale psikiatrikoarekin. Izan ere, erretiratu batek museoa bisitatu berritan nabarmendu duenez, «barrea arimaren sendagaia da».