Amaia Zubiria musikariak (Zubieta auzoa, 1947) jasoko du aurten Olaso Dorrea Fundazioak eta Bergarako Udalak ematen duten Monzon-Ganuza saria, «euskal kulturari eta musikagintzari egindako ekarpenari erantzunez». Olaso Dorrea Fundazioko lehendakari Irati Jimenezek eta Bergarako alkate Gorka Artolak atzo adierazi zuten Zubiriaren ibilbidea «euskal kulturarentzat aberasgarria» izan dela, eta saria esker ona eta miresmena adierazteko modu bat dela. Martxoaren 27an egingo da sariaren emate ekitaldia, 18.30ean, Bergarako Seminarixoa aretoan.