Dani Alvesen 4 urte eta 6 hilabeteko zigorra baliogabetu zuen atzo, aho batez, Kataluniako Justizia Auzitegi Nagusiak. 2022ko abenduan Sutton diskotekan neska gazte bati sexu erasoa egiteagatik zigortu zuten Alves. Aurreko sententziak onespen falta egiaztatutzat jotzen bazuen ere, orain epaileek salatzailearen testigantzan fidagarritasun falta dagoela argudiatu dute, besteak beste. Erabakiak zalaparta eragin du eta gogorarazi du zeinen zaila duten sexu erasoak jasan dituzten emakumeek justizia egin dadin.