Bihar beteko dira 40 urte, Argentinan lehen hiru batzar militarretako kideak epaitzen hasi zirenetik. 1985eko apirilaren 22 hartan, epaitegiaren kanpoaldean, 50.000 manifestarik justizia eskatu zuten. Prozesua urte amaierara arte luzatu zen, diktaduraren figura garrantzitsuenak izan ziren Jorge Videla eta Emilio Masserari biziarteko zigorra ezarri zien, eta mundu osoarentzat eredugarria izan zen mugarria ezarri zuen. Izan ere, Argentina da munduko herrialde bakarra bere diktadoreak epaitu eta kondenatu dituena.