Segundo Viana Arroniz Bujandan jaio zen, 1898ko martxoaren 29an, eta 1941eko abenduaren 19an Mauthausengo esparrura deportatu zuten, 43 urte zituela. Hilabete batzuk geroago, 1942ko uztailaren 14an, han hil zen. Nazismoaren sarraski eremu horietan izan zen hamalau arabarretako bat da. Atzo, kontzentrazio-esparruetara azken euskal taldea deportatu zuteneko 80. urteurrenean, Kanpezuko Udalak omenaldia egin zion, eta Stolpersteine ekimenarekin bat eginez, Vianaren datuak idatzita dituen bloke txiki bat ezarri zuen.