Urtero bezala, final handiaren atarian, Buruz Burukoaren historian inoiz txapela jantzi duten pilotariak bildu ziren atzo Sondikan, txapeldunen bazkarian. Aurten 13 izan dira. Denek utzi zuten iganderako pronostikoa: Jokin Altuna ikusten dute faborito, Iñaki Artolaren kaltetan. Halere, atzoko hitzorduak bazuen berezitasun bat: Pilotarien Izartegia inauguratzeko baliatu zuen Esku Pilotako Enpresen Ligak, Luziano Juaristiri, Atano X.ari, estreinako urrezko intsignia jarrita. Argazkian, Atano X.a -eskuinetik hasita bigarrena-, bere semeekin.