Zeelanda Berriko Parlamentuak aldi baterako eten die jarduna Te Pati Maori alderdi maoriko hiru diputaturi, joan den azaroan eztabaida batean «haka» egin zutelako. Erritu horrekin protestatu zuten maorien eskubideak mugatzen zituen Itunaren Printzipioen Lege proiektuaren aurka. Lehen bozketan aurrera egin zuen lege proiektuak, baina azkenean apirilean Parlamentuak bertan behera utzi zuen, kontrakotasun handia sortu zuelako, batez ere maorien artean. Hala ere, ez diete zigorra kendu.