Albert Ojwang blogari kenyarra asteburuan hil zen, poliziaren zaintzapean zegoela jaso zituen kolpeen ondorioz. Autopsiaren arduradunak prentsaurrekoan esan zuenez, «heriotzaren kausa garbi dago: zauri bat buruan, konpresioa lepoan eta eraso egin ziotela aditzera ematen duten beste zenbait zauri». Adierazpenok Poliziaren hasierako txostena gezurtatzen dute; alegia, blogariak ez zuela bere burua lesionatu. AI eta HRWren arabera, 2024an soilik, Poliziari egotzitako gutxienez 159 hilketa estrajudizial eta desagerpen gertatu ziren.