Donostiako Suhiltzaileek, atzo Garberako basean eman zuten prentsaurrekoan, Udalaren proposamena onartu dutela adierazi zuten. Hurrengo bi urtean Udalak beste hamabi langile kontratatuko ditu eta suhiltzaileek, horrenbestez, mobilizazioak bertan behera utzi dituzte. Horien lehentasuna plantilla handitzea zen, baina akordioak ez ditu guztiz ase. Hala, azpimarratu zuten lanean jarraituko dutela zerbitzuaren egiturazko gabeziak gainditzeko eta hiritarrei merezi duten kalitatezko zerbitzu publikoa eskaintzeko.