Seaskak eta Beskoitzeko Herriko Etxeak atzo ezagutarazi zuten berria: urte luzeko borrokaren ondotik, ikastola berri bat eraikitzeko lursaila eskuratu du ikastolen federazioak. Herriaren erdigunean kokatuko dute eraikina eta 2026-2027 ikasturterako ateak zabaltzeko xedea du. Prefabrikatutako ikasgelak alde batera utzi ahalko dituzte murgiltze ereduko haur beskoiztarrek. «Herriarentzat bikaina da; hiru eskola eskaini ahalko ditu, publikoa, pribatua eta Seaska», erran zuen Manu Diribarnek, ikastolako gurasoen elkarteko lehendakarikideak.