Durangon otsailean egiten den 40 Minutu Rock-en antolatzaileek atzo sare sozialetan zabaldu zutenez, jaialdia gauzatzeko «ezinbestekoa den materiala» lapurtu diete, eta horrek 10.000 eurotik gorako gastua egitera behartu ditu. Elkartasun jaialdian ateratzen diren irabaziak euskal preso, iheslari eta deportatuei laguntzera bideratzen da. «Lapurreta honek asko baldintzatzen du laguntza hau», esan zuten. Gertatutakoa salatzeko, elkarretaratzera deitu dute gaur, 19.30ean, Durangoko Landako gunean.