Uraren tenperaturak ekainerako erregistratutako balio maximoak gainditu ditu bai Mediterraneo itsasoan, baita Kantauri itsasoan ere. Hala jakinarazi zuen atzo Estatuko Portuen neurketa sareak. Erakundeak egindako neurketen arabera, 26,2 °C-ra iritsi da Pasaiako badian ekainaren 30ean, eta 23,4 °C-ra Bilboko portuan ekainaren 20an. Muturreko fenomenoen bidez planetak ohartarazpenak bidaltzen jarraitzen du. Presazkoa da mundu mailan neurri eraginkorrak hartzea klima aldaketari aurre egiteko.