Move laukoteak eman zion atzo hasiera Gasteizko jazz jaialdiaren 48. edizioko kontzertuen programazio nagusiari. Larunbatera bitartean izango dira musika hitzorduok Arabako hiriburuan. Bihar abiatuko dira Mendizorrotzako saioak eta oholtza gainean mito bilakatu diren zenbait musikari ikusteko aukera izango dute bertaratzen direnek. Kenny Barron pianista, Toquinho gitarrista eta hogeita hamar musikari batuko dituen Charles Mingusen omenaldia izango dira aurtengo plater nagusiak. Egungo jazza ulertzeko ezinbestekoak.