Kenny Barron eta Al Di Meolaren erakustaldia Gasteizen
Kenny Barron piano jotzailearen teknika akasgabeak eta Al Di Meola gitarristaren jazz eta rock fusioak zirrara eragin zuten atzo Mendizorrotzan. Aurretik, Sarah Hanahan gazteak saxofoiaren munduan etorkizun oparoa duela erakutsi zuen berriro.
Gasteizko Jazz Jaialdiko bigarren kontzertu ‘‘handia’’, edo behintzat irrika eragitea espero zena, eskaini zuten atzo Al Di Meolak eta Kenny Barronek. Lehenengoa jazz garaikideko gitarra jotzaile bertutetsuenetako bat da, eta genero musikal hori munduko ia musika mota guztiekin nahastu izanagatik ere eskuratu du ospea. Eta atzo ere ez zuen kale egin, publikoari espero zuen zirrara sortzen asmatu baitzuen berriz ere.
Mendizorrotzako bigarren kontzertua Kenny Barron bikainak eskaini zuen, bere teknika akasgabea beti lagun. Grammy sarietarako hamalau izendapen zergatik dituen erakutsi zuen Gasteizen.
Aurretik, Europa Jauregian, Sarah Hanahan gazteak (AEB, 1997) saxofoiaren birtuosoa dela frogatu eta musikaren munduan etorkizun oparoa duela iradoki zuen.
«Basoez hitz egiten dute, baina basoa suntsitzen dute landaketa sartzeko»
«Dirigiremos Venezuela hasta la transición», proclama Trump
Iban Apaolaza presoa hilik aurkitu dute Aiako Harrian
El robo del año no ha tenido lugar en el Louvre, sino en Spotify
