TOPA! Sagardo Egunaren XXXVIII. edizioak milaka lagun bildu zituen atzo Donostiako Konstituzio plazan, urtero legez. Gipuzkoako Sagardogileen Elkarteak 2024ko uztako sagardorik onenak jarri zituen publikoaren eskura, guztira sei mila botila inguru. Dastaketaz gain, elkarteak ekoizleen jardueren berri eman zuen, hala nola sagarren zanpaketa nola egiten den artisau erara edo sagardoaren inguruan antolatzen diren esperientzia eta txangoak. Iazko uztan Gipuzkoa, Bizkai eta Arabako sagardogileek 1,2 milioi litro sagardo egin zituzten, bi miloi kilo sagarrekin.