Eduardo Chillidaren ‘‘Burdinaren gorazarrea III’’ eskultura monumentala Bilbora itzuli da, 2018tik kontserbazio arrazoiengatik Chillida Lekun egon ondoren. Lau metroko altuera eta 18 tonako pisua duen obra hau Arte Ederren Museoaren atarian ezarri dute, eskultorearen izena daraman plazan, hain zuzen ere. Chillidak 1991n sortu zuen obra enkarguz, eta bi hamarkada inguru eman zituen Bizkaiko hiriburuko Kale Nagusian kokatuta. Aurkezpenean, obra Bilborentzat sortu zuela gogoratu zuten, bere

tradizio siderurgikoaren aldeko omenaldi gisa.