Joelle Tuerlinckx artista belgikarraren ‘‘A legal museal tag 58 m’’ (2017 remake 2024) obra margotu eta marra gorri bilakatu zuten atzo artistak berak eta Artium Museoak, Israel Palestinan burutzen ari den genozidioak marra gorri guztiak igaro dituela eta Gazako palestinarren giza eskubideak sistematikoki urratzen ari direla salatzeko. Gasteizko arte garaikidearen museoak iazko azarotik aurtengo apirilera bitartean eskaini zion ‘‘El caso de l(a casa) museo(a)’’ erakusketarako sortu zuen marra zuria Tuerlinckxek, eta gorriz jarraituko du «amaierara arte».